Gönguferðir
Bjarnarfell
Bjarnarfell er 750m hátt fjall við Gullna hringinn, nálægt Langjökli og Jarlhettum. Frá toppi fjallsins er ægifagurt útsýni yfir bæði á grösugar sveitir og Langjökul.
Munið eftir myndavél, því útsýnið er ómetanlegt!
Vörðufell
Vörðufell er lítið þríhyrningslaga fjall (391m) efst á Skeiðum, suðaustan við Hvítá hjá Iðu. Mjög fallegt og víðsýnt útsýni af toppi þess. Fjallið er á jarðskjálftabelti milli Heklu og Ölfuss og hefur breyst oft við skjálfta á svæðinu. Á toppi fjallsins er lítið vatn sem heitir Úlfsvatn.
Fimmvörðuháls
Gönguleiðin yfir Fimmvörðuháls er krefjandi ganga, en ein vinsælasta gönguleið á Íslandi. Leiðin liggur milli jökla og eldfjalla og um einstaka náttúru í hálendi Íslands. Gengið er frá Skógarfossi að Þórsmörk 25 km leið.
Högnhöfði
Skemmtileg 6 klst ganga, en erfið yfirferðar.
Högnhöfði er tignarlegt fjall í um 1002m á hæð við Gullna Hringinn.
Nafn fjallsins er dregið af höfði kattar, en þegar horft er í vestur af toppi fjallsins er hægt að sjá eyru kattarins. Landslag á fjallinu er einstakt, fyrst gengið í talsverðum halla, síðan yfir sléttu að toppnum í norðaustri.
Kerlingarfjöll Hike
Rúta fer frá Reykjavíkur kl 8. Keyrt er inní Kerlingarfjöll og farið í krefjandi göngu og auðveldari göngu. Svo er farið í heita laug í Kerlingarfjöllum. Alveg upplagt einnig að kikja aðeins í veitingasöluna og fá sér vöfflu og meðþví. Rútan fer aftur til Reykjavíkur seinni part dags.
Reykjadalur
Reykjadalur er stórkostlegur staður upp af Hveragerði. Þar eru náttúruleg hveraböð sem hægt er að dýfa sér ofaní og njóta náttúrunnar allt í kring. Reykjadalur tilheyrir jarðhitasvæðinu við Hengil. Þar er mjög viðkvæmur gróður og því mikilvægt að fylgja stígum.
Gengið er frá bílastæðinu, í um það bil klukkutíma göngu upp dalinn, þar til við komum að heitu ánni. Engin búningsaðstaða er á staðnum önnur en skýli til að klæða sig úr og í sundfötin. Ekki gleyma handklæði!
Grænihryggur
Gengið verður að norðurjaðri Torfajökuls og haldið niður með Sveinsgili. Náttúruundur Grænahryggjar skoðað. Vaðið yfir Jökulgilskvísl við furðumyndir Þrengsla og aftur heim.
Sólstöðuganga á Snæfellsjökul
Gangan er mikið til á jökli og er krafist tilheyrandi öryggisbúnaðar. Mikilvægt er að hafa í huga að Snæfellsjökull er nokkuð þægilegt ferðafjall en á sér sínar hættur í slæmu skyggni, þar má nefna sprungur og fall frá toppi. Því er lögð mikil áhersla á að skyggni sé gott til að það sé hægt að ferðast um örugglega.
Njótið góðrar útiveru og náð miðnætursólinni á toppi Snæfellsjökuls um miðjan/seinnipart júní. Sveigjanleiki með dagsetningar til að fá bestu skilyrði með tilliti til veðurs og útsýnis.
Póstlisti
Hreint og öruggt
Contact
info@fjallhalla.com
PHONE
+354 696 6758
ADDRESS
801 Reykholt
Kennitala:4304140970
VSK number: 129803
MENU
Adventure tours
About Us
Reviews
Blog
Contact
CONTACT
info@fjallhalla.com
+354 696 6758
Miðholt 23, 801 Reykholt
