Grænihryggur

About the tour

Þetta er löng dagsferð eða um það bil 14-16 klukkustundir. Það eru 195 km á milli Reykjavíkur og Landmannalaugar, eða um 3 klst í akstri.

Brottför frá Reykjavík klukkan 7:00. Heimkoma um 22:00.
Gangan er um 17 km og tekur um 8 klukkutíma.
Vöðum Jökulkvíslina 3-4 sinnum.

Gengið verður að norðurjaðri Torfajökuls og haldið niður með Sveinsgili. Náttúruundur Grænahryggjar skoðað. Vaðið yfir Jökulgilskvísl við furðumyndir Þrengsla og aftur heim. Ca.8 klst.

Við göngum inn og uppúr Halldórsgili og göngum síðan niður í Jökulgilið. Þar þarf að vaða Jökulgilskvíslina 3-4 sinnum áður en komið er að því stórkostlega fyrirbæri Grænahrygg. Leiðin öll er samfelld veisla af stórfenglegu landslagi og endalausum litbritgðum í bergi og gróðri. Þetta er án efa eitt fegursta svæði Íslands, og það svæði sem þið munið ganga í  gegnum svo ósnortið.

ATH! Grænihryggur er fullorðins. Langur dagur og þarf að vaða Jökulkvíslina ca 4 sinnum.

Hvers vegna heitir hann Grænihryggur? Bergið í Grænagili og Grænahrygg er gler-túff og græni liturinn stafar af dálitlu tvígildu járni í glerinu.