fbpx

Sólstöðuganga

35.000 kr á mann

Um ferðina

Gangan er mikið til á jökli og er krafist tilheyrandi öryggisbúnaðar. Mikilvægt er að hafa í huga að Snæfellsjökull er nokkuð þægilegt ferðafjall en á sér sínar hættur í slæmu skyggni, þar má nefna sprungur og fall frá toppi. Því er lögð mikil áhersla á að skyggni sé gott til að það sé hægt að ferðast um örugglega.
Við munum hittast á Arnarstapa kl 16:30 og fara yfir búnað og gera ferðaplön, við gefum okkur 1 klst í búnaðatékk, svo munum við pakka í pokana fyrir ferðina og fá ferðaupplýsingar. Eftir það setjumst við í bíla og keyrum uppí 500m hæð þar sem við munum hefja gönguna kl 19:00. Fyrir þá sem ætla sér að tjalda er gott að mæta tímalega og vera búinn að setja upp tjald og ganga frá aðstöðugjöldum áður en búnaðartékk er gert.
Hópurinn mun ferðast á frekar rólegri yfirferð svo að öllum líði vel, við munum gera eina stutta nestispásu áður en við komumst uppí hlíðar Snæfellsjökuls þar sem jökullinn tekur við og förum í línu. Á þessum tímapunkti er gott að næra sig vel, halda á sér hita því við munum halda línufjarlægð restina af ferðinni upp jökulinn. Það eru Ca 2klst frá þeim stað sem við förum í línu uppá topp, við munum leggja mikla áherslu á góða línuferðamennsku og förum yfir á rólegu tempói.
Þegar við komum uppá topp munum við skilgreina áhættusvæði, klæða okkur upp og næra okkur. Gott er að hafa hlýjan klæðnað því það verður mjög napurt á toppinum yfir miðnætti og minnsti vindur getur gert hörkulegar vetraraðstæður. Ef að færð og veður leyfir þá munum við klífa uppí hátind sem stendur í 1446m, en það er brattur kafli sem þarfnast mannbrodda, ísaxa og í flestum tilfellum tryggingar. Við vonumst svo til að frá 23:30 mun miðnætursólin byrja á að skarta sínu fegursta og í góðum aðstæðum ættum við að hafa góðar sólaraðstæður til 01:00.
Eftir að hafa myndað og notið dýrðarinnar munum við halda niður, ennþá að passa vel uppá línuvinnu. Niðurgangan er einföld en getur tekið á þar sem við munum ferðast yfir nótt og mikilvægt að halda einbeitingu. Við leggjum áherslu að halda næringu góðri og að vera skilvirk í okkar ferðum. Við munum stefna á að vera komin í bíl kl 03:00 og höldum hópinn.
Það ættu allir að vera vel endurnærðir eftir gönguna og koma sér í náttstað á svæði Arnarstapa sem fyrst. Að vakna í góðri sumarblíðu á Arnarstapa er einstök upplifun og um að gera að skella sér í létta morgungöngu og næra sig vel áður en haldið er aftur til Reykjavikur. Það má reikna með 2,5 klst í akstri til baka í bæinn og gott að hafa daginn fyrir sér svo það sé ekki óþarfa stress eftir lítinn nætursvefn.

Lengd ferðar

Dagsferð

Í boði

19-21 júní og svo 25-27 júní

Brottför

Kl 18:00 

Erfiðleikastig

Meðal

N

Innifalið

Ganga með reyndum leiðsögumanni, drykkir og veisla bíður göngufólks á endastöð.

P

Taka meðferðis?

Mælt er með að klæðast lagskipt til að geta brugðist við síbreytilegu veðrinu á Íslandi og líða vel í klæðnaðinum, hvorki of heitt né of kalt. Lagskipting er yfirleitt í þremur lögum, sem hægt er að púsla saman eftir veðri og vindum. Ysta lagið verður að vera bæði vatns og vindhelt. Miðlagið er flís eða ull og innsta lagið, sem er næst húðinni sér um að halda líkamanum þurrum, þannig að mjög mikilvægt er að passa öndunina í lögunum vel. Þess vegna er algjörlega bannað að vera í bómull, því hún blotnar þegar við svitnum og veldur kælingu t.d. í stoppum. 
Mikilvægt er að vera í réttum fótabúnaði – vatnsheldum gönguskóm með þar til gerðum sólum. Húfa, vettlingar, treflar, sólkgleraugu, sólarvörn, varasalvi og þægilegur bakpoki er nauðsynlegur í allar göngur.

Athugið að í ferðum okkar er ætlast til að göngufólk sé EKKI Í BÓMULLARKLÆÐNAÐI.

Takið með ykkur vatn/vökva, í það minnsta 2L á mann. Einnig nóg snarl fyrir daginn!

GALLERY

Bóka ferð

Aðrar áhugaverðar ferðir

Högnhöfði

Skemmtileg 6 klst ganga,  en erfið yfirferðar. Högnhöfði er tignarlegt fjall í um 1002m á hæð við Gullna Hringinn. Nafn fjallsins er dregið af höfði fresskattar, en þegar horft er í vestur af toppi fjallsins er hægt að sjá eyru kattarins. 

Bjarnarfell

Bjarnarfell er 750m hátt fjall við Gullna Hringinn, nálægt Langjökli og Jarlhettum. Frá toppi fjallsins er ægifagurt útsýni yfir bæði á grösugar sveitir og Langjökul. Munið eftir myndavél, því útsýnið er ómetanlegt!

Fimmvörðuháls

Fimmvörðuháls gangan er án efa ein sú vinsælasta í gegnum árin, bæði hjá íslendingum og erlendum ferðamönnum. Gangan er um 25 km.

Sólstöðuganga á Snæfellsjökul

Sólstöðuganga

Njótið góðrar útiveru og náð miðnætursólinni á toppi Snæfellsjökuls um miðjan/seinnipart júní. Sveigjanleiki með dagsetningar til að fá bestu skilyrði með tilliti til veðurs og útsýnis.

Reykjadalur

Reykjadalur er stórkostlegur staður upp af Hveragerði. Þar eru náttúruleg hveraböð sem hægt er að dýfa sér ofaní og njóta náttúrunnar allt í kring.

Vörðufell

Vörðufell er lítið þríhyrningslaga fjall (391m) efst á Skeiðum, suðaustan við Hvítá hjá Iðu. Mjög fallegt og víðsýnt útsýni af toppi þess. 

Grænihryggur

Grænihryggur

Gengið verður að norðurjaðri Torfajökuls og haldið niður með Sveinsgili. Náttúruundur Grænahryggjar skoðað. Vaðið yfir Jökulgilskvísl við furðumyndir Þrengsla og aftur heim.

Sólstöðuganga á Snæfellsjökul

Kerlingarfjöll

Rúta fer frá Reykjavíkur kl 8. Keyrt er inní Kerlingarfjöll og farið í krefjandi göngu og auðveldari göngu. Svo er farið í heita laug í Kerlingarfjöllum. Alveg upplagt einnig að kikja aðeins í veitingasöluna og fá sér vöfflu og meðþví. Rútan fer aftur til Reykjavíkur seinni part dags.

Póstlisti

Hreint og öruggt

Contact

EMAIL

info@fjallhalla.com

PHONE

+354 696 6758

ADDRESS

Miðholt 23,
801 Reykholt

Kennitala:4304140970
VSK number: 129803

MENU
Adventure tours
About Us
Reviews
Blog
Contact

CONTACT

info@fjallhalla.com

+354 696 6758

Miðholt 23, 801 Reykholt