Fimmvörðuháls

45.000 kr á mann

Um ferðina

Gönguleiðin yfir Fimmvörðuháls er krefjandi ganga, en ein vinsælasta gönguleið á Íslandi. Leiðin liggur milli jökla og eldfjalla og um einstaka náttúru í hálendi Íslands. Gengið er á landi sem myndaðist á víkingatíma eða fyrir árþúsundum. Einnig er farið yfir nýmyndað land, Goðahraun sem myndaðist í gosinu í Eyjafjallajökli 2010 og gígarnir Magni og Móði mynduðust.

Gengið er frá Skógarfossi að Þórsmörk 25 km leið. Þórsmörk er nefnd eftir guðinum Þór og Magni og Móði hétu synir hans. Í nafninu Fimmvörðuháls felst að það eru fimm vörður á leiðinni, sem vísuðu fólki rétta leið, einskonar áttavitar. Íslendingar setja oft nýjan stein í vörðuna þegar farið framhjá í eins konar þakklætisskyni fyrir að vísa veginn.

Lagt er af stað við Skógarfoss og gengið upp í hlíðina. Fjölmargir fallegir fossar eru á þessari leið.

Gengið er á hrauni, jökli, öskulagi, grösugu landi og á söguslóðum. Áð er í skálum á leiðinni og borðaður hádegismatur. Haldið áfram í námunda við Mýrdalsjökul. Frá gígunum Magna og Móða, liggur leiðin niður á við og farið yfir Kattahryggi og göngunni lokið í hinni fallegu gróðurvin, Þórsmörk.

Í Þórsmörk er snæddur kvöldverður, grillað íslenskt lambalæri að loknum erfiðum en jafnframt skemmtilegum degi.

Lengd ferðar

Yfirleitt má reikna með 8 – 10 klukkutímum, en það fer eftir getu göngumanna, hve oft er stoppað og eftir veðri.

Brottför

Kl 7:00 mánudaga og föstudaga frá Reykjavík

Erfiðleikastig

Krefjandi

Miscelleneus 28 final

Lengd göngu

25 km um það bil 1000 m hækkun

Innifalið

Fræðandi leiðsögn með reyndum leiðsögumanni. Sækjum og keyrum á brottfararstað. Kvöldverður.

sac

Taka meðferðis?

Gönguskó og föt (ekki bómull), vatnsheld föt ef veður breytist, nesti og vatn.

Hápunktar

  • Skógafoss
  • Eyjafjallajökull
  • Mýrdalsjökull
  • Magni og Móði, nýju gígarnir
  • Kattarhryggir
  • Fossar
  • Þórsmörk
  • Íslenskt lambakjöt

Bóka ferð

Aðrar gönguferðir

Gönguferð á Bjarnarfell með Fjallhöllu

Bjarnarfell

Bjarnarfell er 750m hátt fjall við Gullna hringninn, nálægt Langjökli og Jarlhettum. Frá toppi fjallsins er ægifagurt útsýni yfir bæði á grösugar sveitir og Langjökul. Verið alveg viss um að hafa myndavélina með í ferðina.

Botnsúlur með Fjallhalla Adventurers

Botnssúlur

Botnssúlur Bókið ykkar ævintýri Um ferðina Botnssúlur eru nokkrir móbergstindar sem heita Háasúla, Miðsúla, Norðursúla, Syðstasúla (1093m) og Vestursúla. Botnssúlur eru megineldstöð og hafa jöklarnir sorfið niður jarðlögin og skilið eftir hvassa tinda og hryggi.

Ganga á Grænihrygg með Fjallhalla Adventurers

Grænihryggur

Þetta er löng dagsferð eða um það bil 14-16 klukkustundir. Það eru 195 km á milli Reykjavíkur og Landmannalauga, eða um 3 klst í akstri. Brottför frá Reykjavík klukkan 7:00. Heimkoma um 22:00.
Gangan er um 17 km og tekur um 8 klukkutíma. Vöðum Jökulkvíslina 3-4 sinnum.

Gengið á Högnhöfða með Fjallhalla Adventurers

Högnhöfði

Skemmtileg 6 klst ganga, en erfið yfirferðar. Högnhöfði er tignarlegt fjall í um 1002m á hæð við Gullna Hringinn. Nafn fjallsins er dregið af höfði kattar, en þegar horft er í vestur af toppi fjallsins er hægt að sjá eyru kattarins.

Í Kerlingarfjöll með Fjallhalla Adventurers

Kerlingarfjöll

Rúta fer frá Reykjavík kl 8. Keyrt er inn í Kerlingarfjöll og farið í krefjandi göngu og auðveldari göngu. Eftir gönguna er farið í heita laug í Kerlingarfjöllum. Alveg upplagt einnig að kikja aðeins í veitingasöluna og fá sér vöfflu og meðþví. Rútan fer aftur til Reykjavíkur seinni part dags.

Litlu Landmannalaugar

Litlu Landmannalaugar

Reykjanesið býður upp á margar frábærar og fallegar gönguleiðir og fljótlegt er að skjótast þangað á bíl frá Höfuðborgarsvæðinu. Jarðhitasvæðið vestan við Djúpavatn er falin perla, litrík, viðkvæm og falleg. Svæðið minnir að nokkru á Torfajökulssvæðið sunnan Landmannalauga en er smærra í sniðum og litríkir hryggirnir sem minna á Grænahrygg norður af Torfajökli gleðja augað.

Rauðufossar að upptökum Rauðufossakvíslar með Fjallhalla Adventurers

Rauðufossar að upptökum Rauðufosskvíslar

Ekið að bílastæði á Landmannaleið þaðan sem við hefjum gönguna að Rauðafossi í Rauðufossakvísl. Áfram er haldið upp með Rauðufossakvísl þar sem hún rennur í hárauðum farveginum í fossum og flúðum allt að upptökunum þar sem hún sprettur upp úr auga í jörðinni, kristalstær og spegilgljáandi.

Reykjadalur Hot River Hike with Fjallhalla Adventurers

Reykjadalur

Reykjadalur er stórkostlegur staður upp af Hveragerði. Þar eru náttúruleg hveraböð sem hægt er að dýfa sér ofaní og njóta náttúrunnar allt í kring. Reykjadalur tilheyrir jarðhitasvæðinu við Hengil. Þar er mjög viðkvæmur gróður og því mikilvægt að fylgja stígum.

Snæfellsnes, hraun og hellar með Fjallhalla Adventurers

Snæfellsnes hraun og hellar

Rútan bíður okkar hjá Korputorgi kl 8. Farið verður í dagsferð á Snæfellsnes þar sem rútunni er lagt á Öndverðarnesi og gengið inní hraunið. Síðan er komið að Grashól, þar sem eru hellismunnar í tvær áttir, annar liggur undir gíginn sjálfann og þar er hægt að dvelja í smá tíma.

Sólstöðuganga á Snæfellsjökul með Fjallhalla Adventurers

Sólstöðuganga

Gangan er mikið til á jökli og er krafist tilheyrandi öryggisbúnaðar. Mikilvægt er að hafa í huga að Snæfellsjökull er nokkuð þægilegt ferðafjall en á sér sínar hættur í slæmu skyggni, þar má nefna sprungur og fall frá toppi.

Svartfjallaland / Montenegro

Svartfjallaland / Montenegro

Viltu komast í ævintýri og taka á því, hjóla í ægifögru umhverfi, fara í fjallgöngu upp á hæsta tind Svartfjallalands, sigla niður Tara gilið í rafting ferð, sigla á Kajak og Kano eða um Kotor flóann og jafnframt komast i miðalda umhverfi. Þá er þetta ferðin fyrir þig.

Vörðuskeggi og tásubað með Fjallhalla Adventurers

Vörðuskeggi og tásubað

Hengilssvæðið er bara smá spöl frá úthverfum Reykjavíkur en lumar á ýmsu góðgæti fyrir göngugarpa. Við ætlum á hæsta tindinn í Henglinum, sjálfan Vörðu-Skeggja sem er í 805m hæð. Gönguleiðin þangað er nokkuð á fótinn og á einstaka stað má alveg finna fyrir smá lofthræðslu – en leiðin er stikuð, örugg og fremur auðveld.