Haustferð í Þórsmörk

Um ferðina

Við ætlum að fara í ævintýraferð í Þórsmörk föstudaginn 1. október og vera til sunnudagsins 3. október og njóta haustlita og útiveru.

Við munum iðka jóga kvölds og morgna, fara í stutta göngu á föstudagskvöldinu, ganga Þórsgötuna á laugardeginum sem tekur 8-9 klst. og á sunnudeginum liðkum við okkur með stuttri göngu í nágrenninu.

Við gistum í Húsadal í smáhýsum eða eigin tjöldum.

Innifalið er rúta, morgunmatur, kvöldmatur og leiðsögn.

Meðferðis þarf að hafa hlý föt (ekki úr bómull), regnfatnað, gönguskó, auka föt, hádegismat og snarl.

Nánari útbúnaðarlisti verður sendur út þegar nær dregur.

Verð:
Gist í smáhýsi: 80.000 ISK.
Gist á tjaldstæði: 70.000 ISK.

Verð ef komið a eigin bíl:
Gist í smáhýsi: 70.000 ISK.
Gist á tjaldstæði: 60.000 ISK.

Skilmálar í COVID ástandinu:
Hægt er að afturkalla með 48 klst fyrirvara vegna aðstæðna sem tengjast COVID ástandsins og ef meiðsl hafa átt sér stað. Ekki fæst endurgreiðsla vegna veðurspár. Ef þátttakandi mætir ekki til brottfarar á réttum tíma á hann ekki rétt á endurgreiðslu ferðarinnar.

Lengd ferðar

57 klukkutímar, 8 tíma ganga

Brottför

Brottför kl 8:00 frá Reykjavík

Erfiðleikastig

Meðal

Gallery

Bóka ferð

Aðrar gönguferðir

Gönguferð á Bjarnarfell með Fjallhöllu

Bjarnarfell

Bjarnarfell er 750m hátt fjall við Gullna hringninn, nálægt Langjökli og Jarlhettum. Frá toppi fjallsins er ægifagurt útsýni yfir bæði á grösugar sveitir og Langjökul. Verið alveg viss um að hafa myndavélina með í ferðina.

Botnsúlur með Fjallhalla Adventurers

Botnssúlur

Botnssúlur Bókið ykkar ævintýri Um ferðina Botnssúlur eru nokkrir móbergstindar sem heita Háasúla, Miðsúla, Norðursúla, Syðstasúla (1093m) og Vestursúla. Botnssúlur eru megineldstöð og hafa jöklarnir sorfið niður jarðlögin og skilið eftir hvassa tinda og hryggi.

Ganga Fimmvörðuháls með Fjallhalla Adventurers

Fimmvörðuháls

Gönguleiðin yfir Fimmvörðuháls er krefjandi ganga, en ein vinsælasta gönguleið á Íslandi. Leiðin liggur milli jökla og eldfjalla og um einstaka náttúru í hálendi Íslands. Gengið er á landi sem myndaðist á víkingatíma eða fyrir árþúsundum.

Gönguparadísin Hornstrandir útfrá Hornbjargsvita með Fjallhalla Adventurers

Gönguparadísin Hornstrandir útfrá Hornbjargsvita

Gengið verður útfrá vitanum á Hornbjargi og því verður aðeins að bera léttan poka með nestið fyrir daginn og auka föt. Gist verður í hinum rómaða Hornbjargsvita í svefnpoka plássi, þar sem ágæt aðstaða er til eldamennsku. Gengið verður út frá honum með léttar birgðir.

Ganga á Grænihrygg með Fjallhalla Adventurers

Grænihryggur

Þetta er löng dagsferð eða um það bil 14-16 klukkustundir. Það eru 195 km á milli Reykjavíkur og Landmannalauga, eða um 3 klst í akstri. Brottför frá Reykjavík klukkan 7:00. Heimkoma um 22:00.
Gangan er um 17 km og tekur um 8 klukkutíma. Vöðum Jökulkvíslina 3-4 sinnum.

Gullfallega Georgia

Gullfallega Georgia

Georgía er fjöllótt land með mikla náttúrufegurð, fjölbreytta og forna menningu sem rekja má aftur til 12. aldar fyrir Kr. Frá 10. – 13. öld stóð menning Georgíu sem hæst en lenti svo undir yfirráðum Tyrkja og Persa og svo síðar lenti landið undir yfirráðum Sovétríkjanna. Georgísk vín og matarmenning er rómuð.

Gengið á Högnhöfða með Fjallhalla Adventurers

Högnhöfði

Skemmtileg 6 klst ganga, en erfið yfirferðar. Högnhöfði er tignarlegt fjall í um 1002m á hæð við Gullna Hringinn. Nafn fjallsins er dregið af höfði kattar, en þegar horft er í vestur af toppi fjallsins er hægt að sjá eyru kattarins.

Í Kerlingarfjöll með Fjallhalla Adventurers

Kerlingarfjöll

Rúta fer frá Reykjavík kl 8. Keyrt er inn í Kerlingarfjöll og farið í krefjandi göngu og auðveldari göngu. Eftir gönguna er farið í heita laug í Kerlingarfjöllum. Alveg upplagt einnig að kikja aðeins í veitingasöluna og fá sér vöfflu og meðþví. Rútan fer aftur til Reykjavíkur seinni part dags.

Litlu Landmannalaugar

Litlu Landmannalaugar

Reykjanesið býður upp á margar frábærar og fallegar gönguleiðir og fljótlegt er að skjótast þangað á bíl frá Höfuðborgarsvæðinu. Jarðhitasvæðið vestan við Djúpavatn er falin perla, litrík, viðkvæm og falleg. Svæðið minnir að nokkru á Torfajökulssvæðið sunnan Landmannalauga en er smærra í sniðum og litríkir hryggirnir sem minna á Grænahrygg norður af Torfajökli gleðja augað.

Rauðufossar að upptökum Rauðufossakvíslar með Fjallhalla Adventurers

Rauðufossar að upptökum Rauðufosskvíslar

Ekið að bílastæði á Landmannaleið þaðan sem við hefjum gönguna að Rauðafossi í Rauðufossakvísl. Áfram er haldið upp með Rauðufossakvísl þar sem hún rennur í hárauðum farveginum í fossum og flúðum allt að upptökunum þar sem hún sprettur upp úr auga í jörðinni, kristalstær og spegilgljáandi.

Reykjadalur Hot River Hike with Fjallhalla Adventurers

Reykjadalur

Reykjadalur er stórkostlegur staður upp af Hveragerði. Þar eru náttúruleg hveraböð sem hægt er að dýfa sér ofaní og njóta náttúrunnar allt í kring. Reykjadalur tilheyrir jarðhitasvæðinu við Hengil. Þar er mjög viðkvæmur gróður og því mikilvægt að fylgja stígum.

Snæfellsnes, hraun og hellar með Fjallhalla Adventurers

Snæfellsnes hraun og hellar

Rútan bíður okkar hjá Korputorgi kl 8. Farið verður í dagsferð á Snæfellsnes þar sem rútunni er lagt á Öndverðarnesi og gengið inní hraunið. Síðan er komið að Grashól, þar sem eru hellismunnar í tvær áttir, annar liggur undir gíginn sjálfann og þar er hægt að dvelja í smá tíma.